نحضر كريمة باتيسيار اولا في كسرونة نحط الحليب و السكر نخلطهم جيدا و نحطهم فوق النار لدرجة الغليان و من جهة اخرى نخلط البيضة و المايزينة جيدا حتى يتجانسو بعد ما يغلي الحليب نضيفو بالتدريج لخليط البيضة و نخلط دون توقف نرجع الخليط فالكسرونة و نحطها فوق نار متوسطة

مع التحريك المستمر حتى تعقد نطفي عليها و نفرغها في صحن و نضيفلها الفانيلا و الزبدة نخلطهم جيدا ثم نغطيها ببلاستيك غذائي (يلامس الكريمة) و نخليها تبرد تماما

بعد ما تبرد الكريمة نخفقها قليلا ثم نضيفلها كريمة الشونتي (بعد ما نكون طلعتها بخفق بودرة الشونتي و الحليب) و نخفقهم قليلا

من بعد نجيب التارتولات و نعمرهم بالكريمة و نزينهم بالفواكه (حسب الرغبة) ندهن الفواكه بالقليل من لاجولي للمعان و ندخلهم للثلاجة على الاقل نصف ساعة و نقدمهم بالصحة و الهنا 😍