في طبق كبير أو حلة (ونبعد عن أي حاجه بلاستيك) نحط الدقيق و السمسم وريحه الكحك ورشه الملح ونقليبهم كويس جدا ونعمل فيهم حفرة من النصف

علي النار نحط السمنه ونسبها تسخن قووي

وفي كوب نحط اللبن الدافي وعليه كيس الخميرة ومعلقه السكر ونقليبهم كويس ونغطيه ونسيب الخميرة تشتغل حوالي ١٠ دقايق

نجيب السمنه السخنه وننزلها في الحفرة الي عملناها في الدقيق ونبدء نقلب باي معلقه كبيرة خشب(لأن السمنه هتكون سخنه جدا) ونبدء ندخل السمنه في الدقيق كويس لحد ميتشرب كل كميه السمنه

واول متبدء تدفي وايدك تستحملها نبدء نبس العجين يعني بحركة براحه بين أدينا مش نعجنه لحد متأكد إن كل الدقيق اتشرب كويس جدا بالسمنه

نجيب بقي ربع كوب اللبن والخميرة واول متأكده إن الخميرة إشتغلت وعمل فقاعات هواء (لو ده محصلش تبقي الخميرة مش مظبوطة ومينفعش تستعملها) ننزل باللبن علي العجين ونبدء نلمه (ونتزودش لبن لان كل مبيزيد الكحك بينشف)

نجمعها ونعطيها لمده نصف ساعه وبعدين نجيب صاج الفرن ونبدء ناخد من العجين كرات متوسطه(وممكن يتحشي ملبن أو مكسرات أو عجميه) ونلفها بين أدينا وياما نستخدم البصامه أو المنقاش ونبدء نرص الكحك في الصاح ونسيب كام سنتي بين كل واحد والتانيه واول متخلص الصاج ندخله فرن ساخن علي درجه حراره ٢٠٠ لمده تلت ساعه

ونطلعه ونسيبه يبرد خالص قبل منحركه من مكانه وبعدين نرش عليه سكر بودرة

وبالف هنا....