في كوكوط نحط البصلة و ثوم والزبدة والملح والكسبر معا ورقة الرند و فخذ الدحاج بعد ما غسلتو ولجلبانة بعد ما غسلتها

نقليهم مليح و نمرقهم و نضيفلهم لجزر نغلق عليهم لكوكوط يطيبو شوي و بعد ما يطيبو نحي لدجاج نخليه يقطر من الما و نخلي لمرقة تخثار ونطفي

نحكم صدر الدجاج و نقطعو مكعبات و نديرو في الروبو نتبلو بالملح و الكسبر و توابل الدجاج و دبشة و نرحيه

نفرش ورق الالمنيوم و نزيد فوقو بابي فيلم و نحل لدجاج على شكل مستطيل او كاري نكون من قبل غليت ثلاث بيضات نقشرهم و نحطهم و نرولي لجاج و نغلق بالورق الشفاف والألمنيوم و نديرو يفور مدة نصف ساعة و اكثر

بعد ما يفور نفتح عليه الاوراق و نديرو يقطر و نحمرو في مقلة معا سوي زيت و نحمر الدجاج

نقسم الرولي دوائر و نحط الجلبانة في صحن التقديم و التزيين كيما تحبي و شهية طيبة