أولا فى وعاء نضع الكاوكاو مع السكر نخلطه مليح ثم نبدا نرش فى ماء الزهر و نفتل فيه باصابع اليد حتى نشوف بلى الكاوكاو كامل تشمخ و يبقى مفتول كيما الكسكس حبة حبة نغطيه و نخليه يرتاح على الأقل نصف ساعة.

من جهة اخرى ناخذ ورقتين من عجينة الفيلو ندهنهم بالزبدة نطوى شوية من الورقة من فوق ثم نضع كمية من الكاوكاو ثم نلف عليها العجين و نزير و نضعها فوق صينية الفرن نكمل كامل الكمية على حساب الصينية ثم نقسمها من فوق غير نعلمها ما نقسمهاش حتى تحت نسقيها كامل بالزبدة ثم ندخلها الفرن ساخن على 200درجة حتى تطيب و تتحمر.

بعد ما طابت نسقيها مباشرتا بالعسل و نخليها تشرب من بعد نعاود نقطعها و نزينها بالفوبيستاش من فوق.