أول شي بعمل صوص الشوكلاتة بعملو بالخلاط بحط اللبن والكاكاو والزيت والسكر وبخلطهم وإذا طلع الصوص جامد كتير بضيف شوية حليب سائل.

بعدين بذوب الزبدة على الغاز وبكسر البسكويت وبضيفو عالزبذة وبضيف السكر والكاكاو وبضيف صوص الشوكولاتة تدريجيا حتى تتماسك معي واقدر الفها رول وبضيف النسكافيه المرة بتعطيها مرارة خفيفة وطعم كتير زاكي.

بعدين بجيب مشمع الاكل بدهنو شوية زيت نباتي وبحط الخلطة وبلفها رول وبحطها بالفريزر مدة ساعة ونصف بعدين بقطعها وبحطها بالثلاجة ما بخليها بالفريزر. بتمنى تجربوها وتعطوني رأيكم وصحتين وهنا