إفتح في تطبيق كوكبادالخطوات
- 1
نقطع البصله شرائح رقيقه باستخدام قطاعه الشيبسي وبعدين نحط عليها شوية دقيق ونقلب لحد ما الدقيق يغلف شرايح البصل وبعدين نحمرها في الزيت ونطلعها بعد ما تأخذ لون ذهبي..وممكن تقطع البصل وندعكه بشوية سكر ونحمره بيقرمش بردو.. ونصفي زيت التحمير دا ونخليه على جنب علشان هنستخدمه
- 2
ننقع العدس شويه ونرمي المياه وبعدين نحط عليه مياه تاني وشويه ملح وكمون ونسلقه نص سوا ونرمي المياه
- 3
ننقع الحمص شويه ونرمي المياه وبعدين نحط عليه مياه تاني ملح وكمون ونسلقه لحد تمام السوا
- 4
في حله على النار بها شوية من زيت تحمير البصل نحمر الشعيرية لحد ما تأخذ لون ذهبي ننزل بالارز وشوية ملح ونديله تشويحه علشان يبق مفلفل ونزوده بالمياه ولما يشرب المياه نهدي النار ونضيف عليه العدس بجبه والحمص ونقلب ونغطي ونتابعه لحد تمام السوا
- 5
نسلق المعكرونة في مياه فيها ملعقة كبيرة ملح ونصفيها ونغسلها بمياه الحنفيه علشان نوقف السوى ونصفيها تاني ونضيف عليها ملعقة من زيت تحمير البصل علشان تبقى مفلفله ولما الارز يستوي خالص نضيفها عليه ونخلطهم مع بعض
- 6
الصلصة= طاسه ساخنه على النار ننزل بشوية من زيت تحمير البصل ومعلقه كبيره من الثوم المفروم ونقلب ولما ياخذ لون ذهبي ننزل بعصير الطماطم أو صلصة الطماطم البيتي ورشة ملح وفلفل ورشه سكر علشان تعادل الحموضه ولما توصل القوام المطلوب نطفي النار عليها
- 7
الدقه= طاسه ساخنه على النار ننزل بمعلقه من زيت تحمير البصل ومعلقه صغيرة من الثوم المفروم ونقلب ولما الثوم ياخذ لون ذهبي ننزل بالخل وعصير الليمون والكمون والكزبرة الناشفه وكوبين مياه ورشة ملح واول ما تغلي اطفي النار
- 8
الشطه = في طاسه صغيرة على النار بنحط شوية من زيت تحمير البصل ومعلقه كبيرة شطة ومعلقه كبيرة صلصة اديهم تشويحه بسيطه واظبط القوام بشوية مياه صغيرين واول ما تغلي اطفي النار واضيف مكعبات الطماطم على الوجه
كلمات ذات صلة
وصفات مشابهة
وصفات ننصحك بمشاهدتها
التعليقات (2)