نأخذ مقلاة نردها فوق النار ندير فيها الزيت والثوم محكوكة نشحرهم شوية ونضيف قطع صدر الدجاج ونضيف ليهم الملح حسب الذوق والابزار ثم الفطر وشوية الكزبرة والمعدنوس حتى ينسجم الكل ويطيب

نأخذ كسرولة ندير فيها م الزبدة حتى تذوب ونزيد عليها م الدقيق ونحرك مزيان حتى ينسجم ثم نضيف الحليب شوية بشوية حتى نكمل الكمية لعندي ونحرك في الاخير بالطراب اليدوي ثم نزيد شوية الملح والابزار ونزيد كاس الكريمة الطبخ السائلة

ثم نخلط حشوة الدجاج مع ليباط ونخلطهم مزيان ثم نأخذ مول نصب فيه شوية صلصة بيشاميل ونضيف من الفوق خليط ليباط مع الدجاج ثم نضيف عليهم في الاخير ماتبقى من صلصة البيشاميل ونزيد الفرماج محكوك وندخله الفران شوية حتى يذوب الفرماج وبصحة وراحة