في حلة على النار نضع كمية مياه مش كبيرة (يا دوب تغطي الفرخة بمقدار عقله صابع مثلا علشان الشوربة تطلع طعمها حلو) ولما المياه تغلي نضيف الفراخ الصدور اولا ثم الأوراك ونضيف على الوجه كل الخضار والملح والفلفل والبهارات ولما تغلي نهدي النار وبعد نص ساعه نختبر السوا وندوق الشوربة علشان نظبط ملحها ولما تستوي بنخرجها وندهنها كويس بصوص الطماطم من الجانبين وندخلها الفرن ونفتح عليها الشواية ولما تأخذ لون حلو نقلبها الناحيه التانيه تأخذ لون وبالف هنا

طريقه بسيطه جداً ما فيهاش اي افتكاسات بس نتيجتها حلوة وبتنفع لو هتعملي محشي وفراخ أو صينيه بطاطس وفراخ ورز بتبق حلوة معاهم