प्रथम तांदूळ स्वच्छ धुवून ५-६ भिजत ठेवावेत. नंतर मिक्सरवर जाडसर वाटून घ्यावेत. कोमट दूधात केशर भिजत घालावी. गूळ बारीक चिरून घ्यावा.

आता एका पातेल्यात २ ते ३ वाट्या पाणी कोमट करून त्यामध्ये जाडसर वाटलेले तांदूळ घालावेत.सतत हलवत रहावे कारण गुढळ्या होवू नयेत. उकळी येवून शिजू द्यावेत. शिजल्यानंतर त्यामध्ये दूध घालावे पेढे चुरून बारीक करून किंवा खवा घालावा. साखर घालावी. सतत हलवत रहावे. सुक्या मेव्याचे काप घालावेत. ओले खोबरे घालावे.२-३ चमचे तूप घालावे. केशर दूधात खलून घालावे. बेदाणे घालावेत.

व्यवस्थित उकळी येवू द्यावी. आवश्यकतेप्रमाणे घट्टसर झाल्यावर गॅस बंद करून नंतर गूळ घालावा व गूळ विरघळेपर्यंत सतत हलवत रहावे. नंतर आवडीप्रमाणे सजावट करून डिश सर्व्ह करावी.