பச்சை வேர்க்கடலையை சிறிதளவு தண்ணீர் ஊற்று குக்கரில் போட்டு 2 விசில் விட்டு வேக வைத்து எடுத்துக் கொள்ளவும். ஒரு பாத்திரத்தில் புளியை சேர்த்து தண்ணீர் ஊற்றி ஊறவைத்து அதனை கெட்டியான புளி கரைசலை எடுத்து வைத்து கொள்ளவும். சின்ன வெங்காயம் மற்றும் தக்காளியை பொடியாக நறுக்கிக் கொள்ளவும். ஒரு கடாயை அடுப்பில் வைத்து சூடேற்றி எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து பூண்டு மற்றும் சின்ன வெங்காயத்தை சேர்த்து நன்கு வதக்கிக் கொள்ளவும்.

இதனுடன் தக்காளி மற்றும் தேவையான அளவு உப்பு சேர்த்து நன்கு சுருள வதக்கி கொள்ளவும்.

இதனுடன் வேகவைத்த நிலக்கடலையும் சேர்த்து வதக்கி மிளகாய் தூள் மற்றும் மஞ்சள் தூள் சேர்த்து கிளறிக் கொள்ளவும்.

இப்பொழுது புளி கரைசலை சேர்த்து மிதமான தீயில் வைத்து நன்கு கொதிக்க விடவும்.

இப்பொழுது எண்ணெய் பிரிந்து வந்ததும் சிறிதளவு கொத்தமல்லி மற்றும் கறிவேப்பிலை தூவி இறக்கினால் சுவையான நிலக்கடலை கார குழம்பு தயார்.இதனை சூடான சாதத்துடன் சேர்த்து சாப்பிட மிகவும் சுவையாக இருக்கும்.