સૌ પ્રથમ 2 ટામેટાં ને ઝીણા સમારી લો. બીજા 2 ટામેટા ને ખમણી લેવા. ટામેટાં ને ખમણી ને લેવાથી શાક નો રસ ઘટ થશે.

હવે એક કઢાઈમાં તેલ ગરમ કરી તેમાં રાઈ- જીરું નાખી તે ખીલે ત્યારે તેમાં હિંગ અને લીમડાના પાન નાંખી ખમણેલા ટામેટાં નાખી પછી સમારેલા ટામેટાં નાંખી દેવા. હવે ટામેટાં ને થોડા કૂક થવા દેવા.

હવે ટામેટા થોડા નરમ થઈ જાય એટલે તેમાં મીઠું, લાલ મરચું પાઉડર, હળદર, ધાણા જીરું, ગોળ નાખી મિક્સ કરી 2 મિનિટ ઉકાળો.

હવે તેમાં પાણી નાખી ઢાંકીને 7-8 મિનિટ ઉકાળો જેથી શાકનો રસ થોડો ઘટ થઈ જાય. ત્યાર બાદ તેમાં સેવ અને કોથમીર નાખી મિક્સ કરી ગેસ બંધ કરી દો. (જ્યારે જમવા બેસવા નું હોય ત્યારે જ શાક ગરમ મૂકી જરૂર પ્રમાણે સેવ નાખવી પહેલા થી સેવ નાખી રાખી તો શાક સૂકું થઈ જાય છે.)

તૈયાર છે સેવ ટામેટા નું શાક