تورته الفراوله 🍓
تورته مميزه جدا وبعشقها انا واولادي لانها بطعم الفاكهه المحبوبه عند الجميع الفراوله وكل اللي داقها عجبته جدا جربوها واوعدكم هتكونوا مبسوطين
تورته الفراوله 🍓
تورته مميزه جدا وبعشقها انا واولادي لانها بطعم الفاكهه المحبوبه عند الجميع الفراوله وكل اللي داقها عجبته جدا جربوها واوعدكم هتكونوا مبسوطين
إفتح في تطبيق كوكبادالخطوات
- 1
اولا نسخن الفرن على درجه حراره 180 وفي العجان او بوله غويطه نحط دقيق الاسبونج مع البيض والماء والفانيليا ونضرب لمده ربع ساعه على اعلى سرعه لحد ما نحصل على قوام كريمي نصب الخليط في صينيه كيك عاليه مقاس 26 وتدخل الفرن حوالي 40 دقيقه ونختبر النضج بخلة اسنان في نص الصينيه لو طلعت نظيفه يبقى الكيك تمام نخرجها ونقلبها على شبك او منخل ونسبها تبرد تماما وبعدين نلفها بكلينج فيلم او كيس بلاستيك وندخلها الثلاجه ليله كامله او على الاقل 4 ساعات والخطوه دي بتسهل علينا تقطيع الكيك من غير ما يتفرفت
- 2
هنخرج الكيك ونقطعه بسكينه طويله مشرشره 3 طبقات نضرب خليط الكريمه اللي هو الكريم شانتيه الخام مع كوب الماء المثلج ومعلقتين سكر بودره في بوله غويطه بمضرب كهرباء لمدة 10 دقائق لحد ما نحصل على قوام كريمي متماسك
- 3
نجيب طبق التقديم ونحط اول طبقه كيك ونحط عليها طبقه كريمه وبعدين تاني طبقة كيك وكريمه وهكذا ونغلف الكيك كله من بره بالكريمه ونحاول بالاسباتيولا نساوي الوش والاجناب كويس
- 4
نرص قطع الفراوله على الوش من فوق وعلى الاجناب حطيت ملفيه مكسر ونلمع وش الفراوله بالجيلي وتقدم فوراً وبالهنا 😘
كلمات ذات صلة
وصفات مشابهة
وصفات ننصحك بمشاهدتها
التعليقات (2)