கடலை பருப்பை ஊற வைக்கவும். ஊறிய பருப்பை மிக்ஸியில் போட்டு அத்துடன் சோம்பு, மிளகாய் வற்றல், உப்பு சேர்த்து ஒன்றும் பாதியுமா அரைத்து எடுக்கவும்.கடாயில் எண்ணெய் ஊற்றி காய்ந்ததும் வடையை தட்டி போட்டு எடுத்து வைத்து கொள்ளவும்.

கடாயில் எண்ணெய் காய்ந்ததும் பட்டை, கிராம்பு,பிரிஞ்ஜி இலை, சோம்பு சேர்த்து தாளிக்கவும். அத்துடன் வெங்காயம், இஞ்சி & பூண்டு விழுது சேர்த்து வதக்கவும். பிறகு தக்காளி 🍅 சேர்த்து வதக்கவும்.

தக்காளி 🍅 நன்றாக வதங்கியதும் பச்சை மிளகாயை போட்டு கறிவேப்பிலை சேர்த்து மிளகாய் தூள்,மஞ்சள் தூள், மல்லி தூள் சேர்த்து, கரம் மசாலா தூள் சேர்த்து வதக்கவும். பிறகு தண்ணீர் ஊற்றி உப்பு சேர்த்து நன்றாக கலந்து கொதிக்க விடவும்.

வடையை பிய்த்து கொதிக்கும் கிரேவியில் போட்டு நன்றாக கொதிக்க வைத்து கொத்தமல்லி இலை தூவி இறக்கவும். கீ தோசை செய்து வடகறியுடன் பரிமாறவும். சைதாப்பேட்டையில் புகழ்பெற்ற ரெசிபி.