تحضير الصلصة /نغسلو الطماطم مليح ونحولها الزريعة نقطعوها ونقطعو معاها البصلة وحبة الزرودية الصغيرة نضيفو التوابل والملح والزيت نغطوها ونحطوها طيب على نار هادئة بلا ماء هي وحدها تطلق الماء.كي طيب نرحوها ببرا ميكسور ولا نفوتوها فالرحيوة التقليدية.

للعجين نحطو الفرينة نضيفولها الخميرة والسكر نخلطوهم ونزيدو فنجان الزيت وملعقة الخل والملح ونلمو بماء دافئ حتى نتحصل على عجينة طرية نغطوها ونتركها ترتاح.بعدما تخمر نحلوها فسنيوة مربعة أو مستطيلة وقبل مانحطو الصلصة ندهنو وجه العجين بزيت الزيتون أو زيت المائده ونفرغو عليها الصلصة ونزينو بالسردين المصبر الفلفل الاخضر الحار والزيتون ونخلوها ترتاح مرة ثانية وبعدها نحطوها طيب،كي نخرجوها نزينوها بالحشيش.

ملاحظه/صلصة علب السردين نقدرو نزيدوها مع صلصة البيتزا تمد ذوق هائل.بصحتكم