दोडका भाजी धुवून त्याच्या शिरा म्हणजे उभे दोरे, सालं काढायच्या पिलर ने काढून घ्यावी. त्याच्या मध्यम आकाराच्या फोडी कराव्या. या दोडक्याच्या शिरांची भाजून चटणी करता येते.

लहान कुकर मधे तेल घालून त्यात फोडणी साठी मोहरी, जीरे, हिंग घालून बारीक चिरलेला कांदा घालून ब्राऊन होईपर्यंत परतून घ्यावा. मग त्यात बारीक चिरलेला टोमॅटो घालून परतावे आणि त्यात आलं लसूण पेस्ट घालून परतून, तिखट पूड, हळद, मीठ, साखर आणि मालवणी मसाला घालून मिक्स करावे.

परतलेल्या कांदा टोमॅटो वर मध्यम आकारात चिरलेल्या दोडक्याच्या फोडी घालून मिक्स करावे आणि कुकर चे झाकण लावून एक शिटी काढून भाजी शिजवून घ्यावी‌.

बारीक चिरलेली कोथिंबीर घालून गरमागरम चविष्ट अशी दोडक्याची भाजी सर्व्ह करावी.