في اناء نضع السميد والملح (الملح عينك ميزانك) ونفرغو كيلة السمن ونفرك الخليط حتى يدخل السمن في السميد مليح. نخلوه يرتاح ويزيد يشرب مليح الدسم ثم نلم العجين بماء الزهر، مانعجنوهش نلموه فقط المقروط لا يعجن ونخلوه يزيد يرتاح.

من جهة أخرى نوجدو الغرس بإضافة ملعقة القرفة وملعقة القرنفل ونضيف ملعقة أكل من الزبدة ونعجنوه بشوي ماء الزهر باش يطرى ومايجيش ناشف. الان نروحو للتحضير تاع الحرابش نخدمو طرف عجين بشكل طولي ونحلوايضا حربوش من التمر ونحطوه داخل العجين ونغلقوونشكلو بيه حربوش نطبعوه بالطابع الخاص تاع

المقروط ونحطوه فالسنيوة دون ترك فراغ بين الحبات ونستمر فالعملية حتى نكملو لعجين. بعدها نخلوه يرتاح واحد نصف ساعة اومبعد نحطوه يطيب. عند التقديم نسخنو العسل ونحطوه فيه يتعسل ونزينوه بالجلجلان محمص أو نوع من المكسرات محمص ومطحون.شهية طيبة