كسكسي بالدجاج
#طيابي عسل من يديا كسكسي بالمرقة تاع الدجاج و الخضرة مممممممم واش نقول بنة خرافية هههههههه حوحو يشكر روحو
كسكسي بالدجاج
#طيابي عسل من يديا كسكسي بالمرقة تاع الدجاج و الخضرة مممممممم واش نقول بنة خرافية هههههههه حوحو يشكر روحو
إفتح في تطبيق كوكبادالخطوات
- 1
في قدر نحط الدجاج و نحط عليه البصل ،ملح ،فلفل اسود، فلفل أحمر ،سكنجبير (زنجبيل)، قرفة ،شوية زيت و نحط الكل نقليه على نار قليلة حتى يذبل البصل و يتعسل بعدها نمرق بماء ساخن و نحط الحمص و الخضر
- 2
في قصعة نشمخ الكسكس و نخليه ينشف مليح بعدها نديرلو الملح و شوية زيت و نخلط و نحطو في كسكاس يفور فوق المرق التفويرة الاولى بعدما يفور نحيه نحطو في قصعة و نرشو بالماء و كلما يشرب نزيد نرشو بالماء حتى يبرد و يرجع رطب نرجعو فالكسكاس و نحطو يفور التفويرة الثانية
- 3
بعدما يفور الكسكس 2 مرات نحيه نحطو في قصعة و نضيفلو شوية مارغرين و ندهنو و نخليه يبرد و المرق كي يعقاد نطفي عليه و نحطو في طبق و نزينو بالبيض لي نكون غليتو من قبل و هاذا شكلو النهائي و بصحتكم ان شاء الله يعجبكم
وصفات مشابهة
وصفات ننصحك بمشاهدتها
التعليقات (7)