दोडके धुऊन त्याच्या शिरा काढून घ्याव्यात. छोटे छोटे काप करून घ्यावे. हरभऱ्याची डाळ एक तास आधी पाण्यात भिजत घालावी व भाजी ला लागणारे सर्व साहित्य तयार करून ठेवावे.

हरभऱ्याची डाळ एक तास आधी पाण्यात भिजत घालावी व भाजी ला लागणारे सर्व साहित्य तयार करून ठेवावे.

पॅनमध्ये तेल गरम करावे. तेल गरम झाले की त्यात, मोहरी घालावी. मोहरी तडतडली की त्यात कांदा घालावा. आले लसणाची पेस्ट, कढीपत्ता घालावा. एक मिनिट होऊ द्यावा. नंतर त्यामध्ये हिंग, तिखट, मीठ, हळद, धने पावडर, जीरे पावडर, घालावे. चिरलेला टोमॅटो घालावा. टोमॅटो एक मिनिट होऊ द्यावा.

त्यानंतर त्यात भिजवलेली हरबर्याची डाळ घालावी व किंचित पाणी घालून, डाळ ५०% शिजू द्यावी. (डाळ पूर्ण शिजवू नये) नंतर त्यात चिरलेले दोडके घालावे. चांगले मिक्स करून घ्यावे. मीठ घालावे. झाकण ठेवून सात ते आठ मिनिटे भाजी शिजवून घ्यावी.