સૌ પ્રથમ એક પેન માં દૂધ ઉમેરી ફાસ્ટ ગેસ ની આંચ પર ગરમ કરવા મૂકો. હવે એક ઉભરો આવે એટલે તેમાં ખાંડ ઉમેરી ખાંડ મેલ્ટ થાય ત્યાં સુધી ઉકળવા દેવું.

હવે આમાં ફટકડી પાવડર ઉમેરી સતત હલાવતા રહેવું. ફટકડી ઉમેર્યા બાદ તેમાં થોડું દાણા જેવું થવા લાગશે. હવે દૂધ ને ઉકળવા દેવાનું છે જ્યાં સુધી દૂધ નું પાણી પૂરેપૂરું બળી ના જાય.

હવે દૂધ ઉકળે ત્યાં સુધી બીજી બાજુ પેન કે તવા પર ખાંડ ને કેરેમલાઈઝ કરવાની છે. એના માટે ખાંડ ને શેકો જ્યાં સુધી ખાંડ મેલ્ટ ના થાય અને એનો કલર બ્રાઉન આવી ન જાય ત્યાં સુધી મેલ્ટ કરો. હવે દૂધ મા આ કેટેમલાઈઝ ખાંડ ને ઉમેરો ને ફાસ્ટ ગેસ પર દૂધ ને ઉકળવા દો.

હવે દૂધ અડધા ઉપર થઈ ગયું છે. હવે આમાં ઈલાયચી પાવડર અને ઘી ઉમેરી બરાબર મિક્સ કરી લો.

હવે આ થાબડી માંથી બધું પાણી ઉડી ગયું છે ને પેન પણ છોડવા માંડ્યું છે તો હવે ગેસ ની આંચ બંધ કરી ઠંડું કરવા પ્લેટમાં કાઢી લો. ઠંડુ થયા પછી એમાંથી એક નાનો બોલ લઈ હાથમાં ગોળ બોલવાળી લો અને પ્લેટ મા મૂકી હાથથી થાબડી લો.

હવે આપણા કાઠિયાવાડી કણીદાર ને મોઢામાં મૂકતા જ પીગળી જાય એવા થાબડી પેંડા તૈયાર છે સર્વ કરવા માટે. આ પેંડા ને બદામ ના કતરણ થી ગાર્નિશ કરી સર્વ કરો.