نحضر المرق بوضع صدر الدجاج مع الزيت والبصل ونخلوهم يتقلاو مليح ثم نضيف الملح الفلفل الاسود الكصبر والقرفة ونمرقو بالماء ونخلوها طيب حتى ينضج الدجاج نحوه نفتتوه ونصفيو المرق ونخلوهم بجيه.

من جهة أخرى نقشرو البطاطا نغسلوها نقطعوها دوائر ونقليوها.

نحضرو الكفتة بالدجاج ولا اللحم كيما اي مثل حبيتو نحطو اللحم معاه الملح التوابل كزبرة فلفل اسود ملح معدنوس (بقدونس) وحشيش نكوروها ونحطوها بجيه.

الان نجيبو صينية فرن نستفو فيه طبقة بطاطا هي الأولى ونزيدو اللحم المفتت اللي طاب فالصلصة طبقة ثانية ونزيدو طبقة أخرى تاع بطاطا ثم نحطو كرات الكفتة نخلطو الصلصة لي طاب فيها اللحم مع البيض ونقطعو فيها حشيش ومعدنوس ونصبوها على الطبقات السابقة وهاذي هي لاباراي تاع الغراتان. نبشرو الجبن من فوق وندخلوها للفرن كي طيب نقطعوها مربعات ونقدموها مع السلطة.

نقدرو نزيدولها الفطر ثاني وهاذ الطبق يصلح للعرضات خاصة فشهر رمضان المبارك.شهية طيبة.