إفتح في تطبيق كوكبادالخطوات
- 1
الصلصه=بفرم ٣ بصلة كبيرة في الكبه واشوحها مع زيت وسمنه ولما تذبل بضيف صلصة الطماطم البيتي او عصير الطماطم ورشه سكر وأسيبها لحد ما تتسبك واظبط الملح واطفي النار واضيف فلفل اسمر وكمون وكزبرة ناشفة وبهارات محشي لو موجوده.
- 2
الخضرة=بنضفها واغسلها وأخرطها، الارز بغسله واصفيه
- 3
الخلطه بجيب طبق كبير واضيف الارز والخضرة والصلصة واقلب كويس واظبط الملح.
- 4
الباذنجان بقوره واغسله، الكوسه بقورها واشيل براحه الطبقه الصفرا الخفيفه من تحت واشرشرها واغسلها، الفلفل بدوس على العنق لجوه علشان يتفصل واشيله ارميه واغسل الفلفل، البصلتين باقطع الجزءين اللي فوق وتحت واغسلهم واسلقهم في الشوربة نص سلقه وافصصهم براحه حلقات.
- 5
بحشي وارص الباذنجان والكوسه واقفين في الحله والفلفل والبصل على الوجه وازوده بشوربة مغلية لحد نص الحله واحطه على نار عاليه لحد ما يغلي كله وبعدين اخلي النار وسط لحد ما يستوي وبعدين أطفئ النار واصفي الشوربة الزياده علشان لو المحشي شربها هيعجن واخلى غطا الحله موارب لحد ما البخار يطلع علشان بردو اوقف السوا
كلمات ذات صلة
وصفات مشابهة
وصفات ننصحك بمشاهدتها
التعليقات