સૌ પ્રથમ બધી સામગ્રી તૈયાર કરો. 1 તપેલી માં નીચે 1 ચમચી જેટલું પાણી મૂકી દૂધ ઉકળવા મૂકો. દૂધ ઉકળવા લાગે એટલે ગેસ ધીમો કરી દો અને થોડી વાર ઉકળવા દો. ચોકલેટ ના ટુકડા કરીને રાખી દો.

1 વાટકા માં કોર્ન ફ્લોર અને કોકો પાઉડર માં 1/4 કપ દૂધ જે રૂમ ટેમ્પરેચર પર છે તે ઉમેરો અને સરખું મિક્સ કરી લો. કોઈ પણ lumps ના રહેવા જોઈએ. મિશ્રણ એકદમ સ્મૂધ થઈ જવું જોઈએ. દૂધ 10 થી 15 મિનિટ દૂધ ઉકાળો. હવે દૂધ માં ખાંડ ઉમેરો. સરખું મિક્સ કરી લો. કોર્ન ફ્લોર અને કોકો પાઉડર નું મિશ્રણ ઉમેરો, ટુકડા કરેલી ચોકલેટ ઉમેરો. સરખું મિક્સ કરી લો. ગેસ બંધ કરી દો. હવે seive ની મદદ થી ગાળી લો જેથી એકદમ સ્મૂધ અને સિલ્કી consistency મળે કોલ્ડ કોકો ની. (ખાંડ ની માત્રા તમે કઈ ચોકલેટ વાપરો છો તેના પર પણ છે.)

હવે આ કોકો ને ફ્રીજ માં 4 થી 5 કલાક ઠંડુ થવા મૂકી દો. જો તમારે કોકો તરત સર્વ કરવો હોય તો તેમાં બરફ ના ટુકડા ઉમેરવા. તો તમારે કોર્ન ફ્લોર ની માત્રા વધારી દેવાની કારણ કે બરફ નું પાણી બનશે તો કોલ્ડ કોકો જે થીક હોવો જોઈએ તેવો નઈ બને અને વધારે લિક્વિડ કનસીસટન્સી વાળો બનશે. 4 થી 5 કલાક બાદ ચોકલેટ સ્પ્રીંકલ્સ, ચોકલેટ વેફર સ્ટિક અને ચોકલેટ સ્પૂન થી ગાર્નિશ કરી કોલ્ડ કોકો સર્વ કરો.