في وعاء نحط ثلاث بيضات وفانيلا ونخلطهم مليح ونضيف كاس سكر ونخلط حتى يذوب السكر ونضيف الزيت والكاكاو ونبدا نضيف الفرينه مع الخميرة تدريجيا حتى نتحصل على سائل ماشي ثقيل بزاف وماشي خفيف بزاف متوسط

ونفرغو في صينية مدهونة بالزيت والفرينه و ندخلو يطيب من لتحت وفقط ينشف من لفوق وبعد ما يطيب نديرلو لكريمه لي هي كاس شانتيه مع كاس لحليب ومغرف الشوكولاتة والكاكاو ونوزعها كامل وندخلها الثلاجة تتماسك

ونحضر القلاصاج فنجان سكر فنجان زيت وفنجان كاكاو وفنجان لحليب نخلطهم بارد في بارد ونحركهم مليح ونحطهم فوق نار مع تحريك

لما تجمد شوية نحيها ونخليها ترتاح شوي فقط نفرغها فوق لكيكة ونسويها وندخلها الثلاجة ولما تبرد نخرجها