إفتح في تطبيق كوكبادالخطوات
- 1
اولا نحطو السميد مع المرغرين ونحكوهم قليلا باليدين
- 2
نضيفو السكر ونحكو حوالي 2 دقائق باه ندخلو السكر في السميد
- 3
نبدا نضيفو في ⅓ كيلة ماء الزهر ونحركو غير بالاصابع باه يتشمخ السميد وكي يتشمخ شوية السميد نغطيوه بكيس بلاستيكي جيداً باه مايقيسوش الهواء ونخليوه 12 ساعة يرتاح ويشرب مليح الماء
- 4
في الغد كي نجبدو الخليط نلقاوه يرجع كتلة واحدة نحلوه بالاصابع فقط نضيفولو الفانيلا ونديرو ½ كيلة ماء الزهر مع ½ كيلة ماء عادي ونضيفوه كذلك نحركو غير بالاصابع حتان (حتى) يتشمخ ويولي كي نشكلو كرة في اليد ماتتحلش
- 5
ندهنو الصينية بالمرغرين ونفرغو الخليط ونمشيوه على كامل الجوانب بالاصابع فقط ماتضغطوش باه مايتعجنش (لأن الخليط مايكونش مبلول بزاف يكون على شكل كسكس مشمخ) ونسوي السطح بحاجة مستوية باه مايخرجوش تشققات
- 6
نعملو بالسكين خطوط افقية فقط ونهبطوهم للأسفل ونحطو الكاوكاو او اللوز ونتركوها ترتاح لمدة 15 دقيقة ونشعلو الفرن يسخن
- 7
ندخلوها اطيب على درجة حرارة 180 درجة لمدة حوالي 35-45 دقيقة وتقدر توصل حتى لساعة حتان (حتى) يتحمرو الجوانب جيداً ونشعلولها من فوق تزيد تتحمر
- 8
كي ندخلوها اطيب نحضرو الشاربات: نحطو في كاسرونة السكر والماء ونخليوهم فوق النار كي يبدا يغلي الماء نحسبو 10 دقائق ونطفيوا النار نضيفولها فنجان ماء الزهر ونبردوها تماما
- 9
كي اطيب قلب اللوز وهي هكاك سخونة نسقيها بهذيك الشاربات الباردة تماما حتان (حتى) تطلع شوية فوق السطح ونخليوها حتان (حتى) تشربها مليح ونقصوها وشهية طيبة 😋😋
وصفات مشابهة
وصفات ننصحك بمشاهدتها
التعليقات (7)