اول حاجة هنولع الفرن بتاعنا على درجة حرارة ١٨٠ على الشبكه اللي في النص

في بولة هنحط المكونات كلها على بعض ونقلبها مع بعض لحد ما نحس ان البسبوسه عامله زي الرمله بتاعه البحر

هنجيب صينية مقاس ٢٦ وندهنا سمنه كلها في الجوانب وكل حاجه. هنجيب البسبوسة نحطها في نص الصينية ونبدا نفردها وايدينا تكون مبلولة ميه لحد ما تتفرد خالص

هنحط البسبوسه في الفرن وبعد ربع ساعة هنبص عليها واول ما نلاقي ان الحروف بقت حمرا نولع الشوايه لحد ما تأخذ اللون الذهبي

لعمل الشربات هنجيب كوب ونص سكر على كوب ميه هنحطهم على بعض ونقلبها تقلبتين وبعد كده نحطها على النار، عشر دقائق بالظبط هتلاقيه بيغلي يغلي غلوتين كمان ونطفي عليه لازم الشربات يكون خفيف

نحط الشربات على البسبوسه والاتنين لازم يبقوا سخنين وبالف هنا ❤❤