முட்டை பேஜோ செய்ய, ஒரு கடாயில் தேவையான அளவு எண்ணெய் ஊற்றி, அதில் நிளமாக நறுக்கிய வெங்காயம், பூண்டு, ஆகியவற்றை தனி தனியாக போட்டு பொரித்து எடுத்து வைக்கவும்.

5 அல்லது 6 காய்ந்த மிளகாயை இடிகல்லில் போட்டு கொரகொர என்று தட்டி தனியாக வைத்து கொள்ளவும்.
பிறகு ஒரு பாத்திரத்தில் பொரித்த பூண்டு, வெங்காயம், அரைத்த காய்ந்த மிளகாய் சேர்த்து கைகளால் பொடித்து நன்கு கலந்து கொள்ளவும்

அடுத்து வேகவைத்த முட்டையின் நடுவில் சிறிதளவு வெட்டி அதனுள் பொரித்த வெங்காயம் பூண்டு கலவையை வைக்கவும்.

வைத்த பிறகு இதன்மேல் எலுமிச்சை சாறு, புளித்தண்ணீர், பொரித்த எண்ணெய், உப்பு கரைத்த தண்ணீர் ஊற்றவும். இவை அனைத்தையும் சில துளிகள் மட்டும் ஊற்றவும்.

ஊற்றிய பிறகு இறுதியாக கொத்தமல்லி இலையை அதன் மேலே வைத்து பரிமாறவும்.