ஓர் கேக் மிக்ஸர் அல்லது ஒரு அகன்ற பாத்திரத்தில் சர்க்கரை மற்றும் பட்டர் சேர்த்து நன்றாக அரைத்து/ பிசைந்து கொள்ளவும்.

அத்துடன் மைதா மாவு மற்றும் பேக்கிங் பவுடர் சேர்த்து நன்றாக பிசைந்து கொள்ளவும்.கையால் பிசைந்தால் கூடுதல் ருசி கிடைக்கும்.

நன்றாக பிசைந்த மாவை நான்கு பிரிவுகளாக பிரித்து அத்துடன் கிஸ்மிஸ்,அக்ரோட் பருப்பு, துருவிய கொப்பரை தேங்காய், காய்ந்த க்ரேன்பெர்ரீஸ் ஆகியவற்றை தனி தனியே சேர்த்து சிறு உருண்டைகளாக பிடித்து கொள்ளவும்

நீங்கள் விரும்பும் வடிவில் கையால் தட்டி ஒரு அலுமினியம் பேக்கிங் ட்ரெயில் பட்டர் பேப்பர் விரித்து அதில் சிறு இடைவெளி விட்டு தட்டிய சிறிய குக்கீ மாவை எடுத்து வைத்துக் கொள்ளவும்.

ப்ரீ ஹீட் செய்த(oven) அவனில் 200° C இல், 15 நிமிடம் வைத்து பேக் செய்து எடுக்கவும்.குக்கீஸ் வெள்ளை நிறம் சிறிது பிங்க் நிறமாக மாறியதும் அவனை(oven) விட்டு உடனே எடுத்துவிடவும்.

அவனை(oven) விட்டு குக்கீஸை எடுத்த 5 நிமிடங்களில் வயர் ட்ரேக்கு மாற்றி விடவும்.சூடு முழுவதுமாக ஆரியப் பின்னர் நல்ல ஏர் டைட் பாக்ஸில் போட்டு வைக்கவும். டேனிஷ் பட்டர் குக்கீஸ் தயார்.

அசல் டேனிஷ் பட்டர் குக்கீஸ் போலே இருக்கும். பெரியவர்கள் முதல் சிறியவர்கள் வரை அனைவரும் விரும்பி சாப்பிடுவார்கள்.கட்டாயமாக வீட்டில் செய்து பார்த்து அசத்துங்கள்.
குறிப்பு :- 1. சர்க்கரையை தூள் செய்து சேர்த்தால் மிகவும் நன்றாக இருக்கும்.
2. இயன்றவரை அலுமினியம் ட்ரெ பயன்படுத்துங்கள். அலுமினியம் ட்ரெயில் தான் நன்றாக வரும்.