بسم الله، نضع السميد مع الملح والفانيلا ونبسسهم بسمن بين الاصابع منحكش السميد ثم نبدأ نضيف كيلة ماء وماء الزهر حتى تتلم العجينة ونتركها جانبا

نحضر الحشو نقيو الغرس نديرولو مغرفة سمن وقرفة ونعجنهم بشوية ماء

نجيبو العجينة و نقسموها على نصف، نفتحوها نديرو الحشو ونغلقوها مليح، نقطعوها انتو تتحكمو في الحجم ونكونو درنا زيت تسخن نقليوهم ولازم يكون زيت غزير باش تتغطى الحبة تع المقروط وكي تحطوها ما تشوهاش خلوها تشد روحها ومنبعد قلبوها ونعسلوهم بعسيلة باردة