نبدأ على بركة الله، في الأشوار نحط البصلة مقطعة والفلفل الأحمر والطماطم نقطعهم عشوائي، نطحنهم جيدا.

في كاسرونة نحط شوية زيت يسخن نفرغ عليها الخليط اللي طحناه ونحرك جيدا نغلق عليها ونخليها طيب شوية ثم نضيف الطماطم المصبرة ونخلط ثم نضيف التوابل (الفلفل الأسود والملح، الكركم والفلفة حمرة) أوراق الرند ونخلط الكل جيدا حتى ينساجمو نغلق عليها ونخليها طيب.

ثم نضيف رشة من الزعيترة أو الزعتر حسب الموجود والثوم غبرة ونحرك مليح في الأخير نضيف السكر باش يعادل الذوق.

في هاذ المرحلة ما نغطيهاش نخليها طيب حتى تنشف من السوائل وتولي ثقيلة.

وها هي واجدة، تجي رائعة في البيتزا وحتى مع المعجنات.