في كاسرونة ندير 2كؤوس حليب مع 2ملاعق سكر نحرك ونديرهم فوق النار ثم في وعاء ندير الاعندك 2صفار بيض ايجي احسن ولا حبة بيض كاملة مع 3 ملاعق كبار ميزينة مع لافاني 2ملاعق سكر نفرغ شوية من الحليب ونخلط ونرجع كلش للكسرونة ونبقى نحرك حتى تصبح كريمة نحيها ونديرلها مغرف زبدة. ونديرها في المجمد تبرد.

نحكم نصف رطل من العجينة المورقة نحلها رقيقة شوية ونتقبها مليح ندير ورق للسينية 30/40سم ولامعندكش قسمي العجينة وطيبي كل وحدة وحدها. اكون الفرن مسخن 200د في الرف ماقبل الاخير كي طيب مليح مالتحت حتى قريب تتحرق نشعلها من الفوق ولي عندوا مروحية يشعلها تشد حوالي 10د /15د

في خلاط نجبد الكريمة بعدما تكون ذابت مليح نخلطها جيدا ثم نزيدلها ملعقة زبدة او مرغرين ونخلط حتى تذوب ثم نضيفلها 3ملاعق كبار كريمة الشانتي ونخلط جيدا حتى يتضاعف الحجم. ونتركها تبرد

الفوندوا اما نشروها او كاس مملوء من سكر غلاسي نغربلوا مليح نضيفلوا ملعقة كبيرة من الحليب نحرك مليح الا خصوا نزيدلوا شوية برك رشة ونحرك مليح ولا جا جاري تزيدلو سكر لازم ايجي شايد روحو بزاف. ثم كي تبرد العجينة نقسمها على 3 بالتساوي وندير الكريمة في البوشادوي لي معندهاش دير شكارة حليب. كل منكمل طبقة نسويها ثم كي نزيد طبقة لي فوقها نحاول نضغط بلا منكسرها حتى للاخير.نضيف الفوندوا فوقوا ونمشيه.. ونكون ذوبت الشكولاطة وندير خطوط من الفوق وندير بالعود.

بعدما نكمل نرفدو نديروا في المجمد ساعة على الاقل ونجبدوانحيلوا كامل الاطراف ونقطعوا. ونديروا في صحن التقديم ونرجعوا للتلاجة.
وشهية طيبة 😘😘