إفتح في تطبيق كوكبادالخطوات
- 1
الحشو: باقطع البانيه واضيف عليه عصير ليمونة واقطع البصل واحطهم مع بعض على النار مع شوية زيت وفلفل اسمر وملح وبهارات فراخ على نار عاليه في الاول
- 2
ولما الفراخ تغير لونها اضيف الثوم والجزر واخلي النار متوسطة واغطيهم وكل شوية أقلبهم مرة ولما يستووا انزل بالفلفل والطماطم اشوحهم معاها واطفي عليهم
- 3
البشاميل: اللبن والقشطه والشوربه وكوب كبير من ماء سلق المعكرونة باحطهم مع بعض في حله واقلب الدقيق فيهم كويس اوي بالمضرب اليدوي على البارد واتأكد أن ما فيش اي تكتلات وارفعهم على النار مع التقليب كل شويه واظبط الملح ولما بيغلوا مع بعض واوصل القوام المظبوط بطفي النار
- 4
وفي طريقة تانيه.. باشوح الدقيق مع زيت وسمنه شويه واضيف اللبن والشوربه على دفعات واقلب بالمضرب اليدوي على طول ولما القوام يتقل شويه باطفي النار واسئله يبرد شويه واضيف ٢ بيضة وفلفل اسمر واقلب على طول
- 5
المكرونة بسلقها في مياه وملح تكون ٣/٤ سوا واصفيها واشطفها علشان اوقف السوا
- 6
الكمية دي بتعمل ٢ صينية، ولو حابه اسوي صينية منهم تاني يوم بغطيها كويس واحطها على رف الثلاجه وقبل التسوية بربع ساعة اطلعها في درجه حرارة الغرفه وبعدين احطها في الفرن زي ما عملت اول يوم، بتطلع كأنها لسه معموله
- 7
بضيف ٣/٢ البشاميل على المعكرونة كلها واقلب وبحط كبشتين بشاميل في الصينية من تحت وارص الصينية بالطريقه العاديه المعكرونة تحت وفوق والحشو في النص وازين الوجه بالزيتون وأحط عليه ٣/١ البشاميل الباقي بعد ما ضفت ليه بيضة وفلفل اسمر وادخلها الفرن في النص مشغله الفرن والشوايه على نار عاليه واول ما تأخذ وجه من فوق أطفئ عليها
كلمات ذات صلة
وصفات مشابهة
وصفات ننصحك بمشاهدتها
التعليقات