هنجهز الخميرة مع السكر ونقلبهم ونتركها تختمر شويه وبعدين نضيف اللبن الحليب والزيت ونقلبهم وننزل عليهم بالدقيق ونعجن لحد ماالعجينه تلم مع بعض ومتلزقش فالايد.

هنترك العجينة تختمر على مرتين ونجهز الحشو على الوجه ونسبك الطماطم وعليها الفلفل الاسود والملح والكمون وبهارات وجوزه الطيب وشوي زيت تغلي مع بعض ونطفي عليها.

بعد العجينة ماخمرت ثلات ساعات هنعجنها بسيط ونتركها نصف ساعة كمان وبعدين نقسمها كرتين بالتساوى.

هنجهز الصاج وندهنه بالفرشاة زيت بسيط وناخد اول كره ونفردها على قد الصاج ونخرم العجين بالشوكه بهذا الشكل.

هندهن الوجه بالصلصة وبعدها شرائح الفلفل والطماطم وقطع الجبنة صغيرة واللانشون اخر حاجه على الوجه

ودا شكلها النهائي بعد التسويه جميله ومقرمشه واقتصادية وتقدم بالهنا والشفا.