بسم الله......نجيب كمية الفلفل الاحمر الحلو نغسلو مليح وننزعلو الزريعة تاعو مبعد نقطعو نصفين ومبعد نحطو في كسكاس ونقشر التوم ونحطها معاه ونحط الملح ونحطهم يطيبو على البخار

بعدما يطيب الفلفل مليح مليح نجيب اشوار او برا ميكسور او هذيك الرحاية تاع الزمان تاع اليد ونرحي الفلفل مليح حتى نتحصل على خليط مطحون جيدا ومبعد نضيفلو الزيت ونحركو مليح

ومبعد نحطو في مول السيليكون وندخلو للمجمد لما يتجمد نخرجو ونحي الحبات تاعي ونحطهم في علبة ونغلق عليهم ونحتفظ بيهم في المجمد كلما نحب نحمر الاكل نجبد حبة ونحطها في الاكل يتحمر ويجي بزاف بنين

نتمنى تجربوه والله رائع واقتصادي