لي كورني بالدجاج بخبز التورتيلا
إفتح في تطبيق كوكبادالخطوات
- 1
نبدأ بتحضير خبز التورتيلا :نحطو في إناء الفرينة والزيت والملح ،نبسسو مليح الفرينة ونلموها بالماء الدافئ حتان (حتى) نتحصلو على عجينة حاكمة روحها ماتجيش يابسة وماتجيش تلصق في اليدين ، نعجنوها 5 دقائق باه تولي ملساء ونخليوها ترتاح ربع ساعة
- 2
بعد ماترتاح نقسمها الى 6 اقسام متساوية نعملهم كويرات نغطيهم ونخليها ترتاح مرة اخرى 5 دقائق
- 3
بعد ما ترتاح نرش الفرينة على طاولة العمل ونبداو نقرصو بالواحدة لازم تجي رقيقة بزاف ونطيبوها على طاوة الشخشوخة على نار هادئة (ماتخليوهاش تيبس مع يتبدل لونها نقلبوها) كي اطيب نحطوها في صرفيطة ونلوحوها في كيس بلاستيكي باه تبقى طرية
- 4
بعد مانطيبوهم كامل نروحو نحضرو الحشو : نغسلو مليح صدر الدجاج ونقطعوه الى قطع صغيرة ونحطوه في الروبو هو و جميع التوابل والموطارد والهريسة ونرحيوهم مليح
- 5
نحطو في مقلاة 2 ملاعق كبار زيت ونحطو هذاك السكالوب ونخليوه حتان (حتى) يطيب
+ نزيدو نقطعو البطاطا مربعات صغيرة ونقليوها - 6
نحطو في إناء البطاطا والدجاج ونضيفو الجبن والهريسة والمايناز ونخلطو جيداً حتان (حتى) نتحصل على حشو مبلول
- 7
نجيبو خبز التورتيلا لي حضرناه نقسموه على النصف ونعملوه على شكل كورني والحافة الاخيرة نغلقها بمزيج من الفرينة والماء باه تلصق في بعضاها
- 8
نضع الحشو في الداخل ونحاولو نهبطوه للاسفل باه مايبقاش فارغ ونقصو بالمقص الزوائد لي يخرجو من فوق ونرمدوه في البيض ثم لاشاپليغ
- 9
نحطو الزيت تسخن مليح ثم انقص في النار ونبداو نقليوه على كامل الجوانب حتى الرأس ثم نقدموه في صحن التقديم وشهية طيبة 😋😋
وصفات مشابهة
وصفات ننصحك بمشاهدتها
التعليقات