بعد الصلاة والسلام على سيدنا محمد نبدأ: نأخذ كاسرونة نفرغ السكر، القهوة (انا خلطت القهوة مع الحليب مانحبش دوق القهوة بزاف لكن هيا في الاصل تجي غير بالقهوة و لكن الاختيار حسب واش تحبو)، الزيت، كاكاو، شوكولاته الحليب، قرصة ملح نخلط الكل و نضعها على نار متوسطة مع التحريك المستمر حتى تغلي نطفو و نحوها، نقصو من الخليط كاس والباقي ندروه يبرد

بعد ليبرد الخليط نفرغوه في إناء و نزيدوله حبة بيض نحرك مليح ثم نزيدو الفرينة مغربلة والفرفارة ونحرك مليح حتى نتحصل على خليط ماشي تقيل كيما اي مثل تاع كيكة سنيوة وماشي خفيف كيما اي مثل تاع المسكوتشو ثم نفرغوه في صنيوة مدهون بالزبدة او الزيت ومرشوش بالفرينة ونمشيه بالملعقة على كامل الصنيوة وندخلوه الى الفرن الساخن يطيب من الاسفل ثم نشعلو عليه من الاعلى

نأخذ كاس تاع الخليط لنحيناه نفرغوه في كاسرونة و نضعها على نار متوسطة مع التحريك المستمر حتى تتقال وتعقد نطفي ونزيدلها كمية من شوكولاته اي نوع او تكتفو بي الخليط كما هو وبعد لي طيب الكيكة نتثبها ونسقيها بهذا الخليط تمتم وهي سخونة باه تجي مشربة ونزينها بجوز الهند او حبيبات شوكولاته او كاوكاو (فول سوداني) مدشش حسب الرغبة وشهية طيبة والله تجي روعة بنينة وتقطع كمية كبيرة😉🤤