بعد بسم الله الرحمان الرحيم نبدأ: نأخذ كاس الخلاط نفرغ البيض، الزيت ونخلط مليح حتى يفيض الخليط ثم نزيد نصف كاس سكر وتخلط مرة اخرى حتى يذوب السكر ثم نفرغ الخليط في وعاء، نأخذ كاس الخلاط نفرغ كاس جزر مبشور ونصف كاس سكر المتبقي وعصير البرتقال ونخلط ثم نفرغه على الخليط الاول كما موضح في الصور ونخلط الكل مع بعض مليح بالمضرب اليدوي

ملاحظة يمكنك نستعملو الضراب الكهربائي بدل الخلاط الكهربائي

ثم نظيف الفرينة مغربلة،الفرفارة و نخلط ثم نزيد كاس الجزر المبشور المتبقي نحرك الكل مع بعض مليح حتى تتجانس جميع المقادير و نتحصل على خليط سلس

نأخذ صني ندهنوه بالزبدة او الزيت ونرشوه بالفرينة ونفرغ فيه الخليط وندخله الى الفرن الساخن كي طيب الكيكة من الاسفل نشعلو من الاعلى(ادا حبيتو الكيكة تحي غليظة فالسمك ديرو في صني متوسط الحجم واذا حبتوها متوسطة الحجم ديرو في صني كبير)

في هاد الوقت نحضرو صوص كراميل: ناخد كاسرونة تكون تقيلة نفرغ السكر ونضعها على نار قليلة مع التحريك مرة على مرة الكاسرونة حتى يدوب السكر ويتكرمل ونتحصل على اللون الذهبي الغامق شوية نزيدوله الماء المغلي ونتوخى الحدر من ان نحترق ونحرك على نار جد قليلة حتى وتحصل على سائل دون كتلات نضيفله الكليب لي نكونو دوبنا فيه الفرينة ونحركو حتى يعقد ويثقل الخليط نزيدوله الزبدة طرية نحركو ونطفو نفرغو نصف الكمية في غرفية نخلوها تبرد شوية ونزيدولها كمية من المكسرات اي نوع او كاوكاو مهرمش حسب الرغبة

وبعد لطيف الكيكة نقلصوها بصوص كراميل نخلوها تبرد ونقطعوها وبصحتكم روعة فالمداق😍😋