نجيب صدر دجاج تاعي نقطعو و نحطو في روبو و نبرش عليه فصين ثوم و نرحيه ملييح لان يعود كي لعجينة.

كي نرحيه نحطو في صحن و نضيف توابل تاعي كاامل مع بيضة و نخلط من بعد نضيف دبشة (كزبرة) و شابلور و نخلطو ملييح لان يتجانسو.

بعد ذلك في طاولة العمل نفرش بابي كويسو (ورق الطهي). و ندهنو بزيت و نحط فيه ملعقة كبيرة و نصف من الدجاج المرحي و نطرحها على شكل مستطيل و نضع الجبن في الطرف و نبدأ نرولي فيه و نغلقو من جنب باه ما يخرجش من جناب.

بعد ما نكملهم كامل نسخن طاجين ولا مقلاة ولا بغيتي طيبيه كيما اي مثل رولي عادي انا طيبتهم في مقلاة دهنتها بشوي زيت و حطيتهم يتقلاو و نقلب و ندهن بشوي صوص طيبتو معاه باه يجي رطب و مشي شايح.

و في الاخير انا قدمتو مع صوص زيتون و طاجين جبن و بطاطا مقلية و ان شاء الله ينال اعجابكم 😍😍😍