जाड बुडाच्या कढईत रवा कोरडाच पाच ते सात मिनिट मंद आचेवर भाजून घ्यावा.

नंतर त्यात ओले खोबरे घालून पाच मिनिट परतावे.

आता त्यात तूप घालून पाच मिनिट (हलक्या गुलाबी रंगावर)परतावे व गॅस बंद करून झाकून ठेवावे.

एकीकडे पातेल्यात साखर घालून,साखर बुडेल एव्हढे पाणी घालावे.पातेले गॅसवर ठेवून मिडीयम आचेवर एकतारी पाक करून घ्यावा.

पाक झाला की त्यात वेलची पावडर,चारोळी बेदाणे मिक्स करून व्यवस्थित ढवळून घेऊन त्यात भाजलेला रवा घालून मिक्स करावा.मिश्रण दोन तास मुरायला ठेवावे. मध्ये मध्ये ढवळावे.

रवा पाकात चांगला मुरला की लाडू वळावे.
टीप:- हे लाडू दोन दिवस सामान्य तापमान असेल तर बाहेर राहतील नंतर फ्रीज मध्ये ठेवावे.