પાલકના પાનને ચોખ્ખા પાણી થી ધોઈ તેની ડાંડીનો ભાગ હટાવી દેવાનો છે.

એક બાઉલમાં ચણાનો લોટ લઇ તેમાં બધા મસાલા, સ્વાદ અનુસાર મીઠું અને ખાંડ ઉમેરવાના છે.

ત્યારબાદ તેમાં કુકિંગ સોડા, લીંબુનો રસ અને તેલ ઉમેરવાના છે.

હવે તેમાં જરૂરિયાત મુજબ પાણી ઉમેરી બરાબર રીતે મિક્સ કરી મીડીયમ થીક બેટર તૈયાર કરવાનું છે.

તૈયાર કરેલા પાલકના પાન પર આ બેટરનું લેયર લગાવવાનું છે.

તેના પર બીજુ પાલક નું પાન મૂકી, આ જ રીતે બેટર એપ્લાય કરવાનું છે. આ જ રીતે છ-સાત પાલકના પાન એકબીજા પર મુકતા જવાના છે અને બેટર લગાવતા જવાનું છે.

હવે તેનો મીડીયમ ટાઈટ રોલ વાળી લેવાનો છે. રોલ પર અને તેના બંને છેડા પર પણ થોડું બેટર લગાવી છેડાને અંદર તરફ વાળી દેવાના છે.

આ રોલને સ્ટીમરમાં પંદર થી વીસ મિનિટ માટે સ્ટીમ કરવા માટે મૂકવાના છે. ટુથપીક ભરાવી બરાબર રીતે સ્ટીમ થયા છે કે નહીં તે ચેક કરી લેવાનું છે. ત્યારબાદ આ રોલને સ્ટીમર માંથી બહાર કાઢી રૂમ ટેમ્પરેચર પર લાવવાના છે.

આ રોલને કટ કરી તેના ગોળ ટુકડા કરી લેવાના છે. જેથી પાલક પાત્રા તૈયાર થઈ જશે.

આ પાત્રાને વધારવા માટે એક કડાઈમાં તેલ ગરમ કરી તેમાં રાઇ, જીરુ, સફેદ તલ અને લીમડાના પાન ઉમેરી વઘાર તૈયાર કરવાનો છે.

તેમાં તૈયાર કરેલા પાત્રાના ટુકડાને ઉમેરવાના છે. વઘાર સાથે બરાબર રીતે મિક્સ કરી, મીડીયમ ફ્લેમ પર રાખી થોડા કડક થવા દેવાના છે.