إفتح في تطبيق كوكبادالخطوات
- 1
بسم الله الرحمان الرحيم
- 2
أولا نقي القرنون و نمسحو بالقارص باه ما يكحالش و نقي البطاطا و نخويها
- 3
للحشو :في مقلاة نحط حبة بصل مقطع رقيق و الجزر مسكرفج فالرقيق و نقلي كي يتقلاو نضيفهم للحم المفروم لي ما يكونش طايب نضيف المعدنوس و نصف بيضة و التوابل و 3 سنات ثوم و ادا خصت نزيد الشابلور نزيدلها فرماج و هاد اختياري و هاد الحشو يجي طري
- 4
نجيب حبات القرنون نشللهم من القارص و نشفهم مليح ثم ندهنهم بالبياض لي بقتلي ثم ندير الحشو و نلصقو مليح معى الاطراف و من فوق نزيد ندهن بالبيض باه نضمن ما يتحلوش فالمرق
- 5
البطاطا كذالك نديرلها شوي ملح داخل و نعمرها بالحشو
- 6
للمرق:في قدر نحط الزيت ثم الدجاج انا درتها بلا دجاج كي يتقلا نضيف البصل مسكرفج و نقلي ثم الجلبانة و الثوم و الملح و التوابل و نقلي ثم نمرق كي يغلي نحط البطاطا ثم القرنون و ما نمرقش بزاف من الاحسن ما يغرقش القرنون و نخليه حتى يطيب و تعقد المرقة و نقدمو.ادا أردنا اضافة شوي فرماج للمرق كي يكون يطيب باه يجي بنين كتر
وصفات مشابهة
وصفات ننصحك بمشاهدتها
التعليقات (2)