बासमती तांदूळ 1/2 तास पाण्यात भिजवून ठेवावा. आता 2 कप पाणी एका मोठ्या भांड्यात ऊकळवायला ठेवावे. पाण्याला ऊकळी येताच पाण्यात 1 टेबलस्पून साजुक तुप व 1/2 टीस्पून मीठ घालावे. पाण्यात भिजवलेले तांदूळ ऊकळत्या पाण्यात घालून तांदूळ 8 मिनिट शिजवून घ्यावा.

शिजलेला तांदूळ गरम पाण्यातून काढून ऊपसुन घ्यावा व थंड पाण्यात धुवून घ्यावा. थंड पाणी काढून भात ऊपसुन ताटात पसरवून गार होवू द्यावा.

आता कढईत साजुक तुपात मीरे व ऊभी चिरून हिरवी मिरची घालावी. मिरचीने रंग बदलल्यावर फोडणीत मटार घालावा व लगेच शिजलेला भात घालून हलक्या हाताने पुलाव हलवून घ्यावा.

2 मिनिट भाताला वाफ येवू द्यावी.
आपला मटार भात तयार आहे. वरून कोथिंबीर घालून गरमागरम ग्रेव्ही व रायत्या बरोबर सर्व्ह करावा.