في إناء نحط 4 بيض ونزيدلهم كأس تع سكر وكأس تع زيت ولا كأس حليب او ياوغت او لبن لي متوفر عندك وقشور برتقال ولا ليمون 🍋ونخلطهم مليح بالفوي ولا بالخلاط الكهربائي حتى يذوبنا هذاك سكر

وفي إناء أخر نحط المكونات الجافة 3كؤوس وربع سميد متوسط او اكثر ونحط منهم 2ومن بعد نكمل الكمية الباقية 4ملاعق جوز الهند او كاوكاو انا درت كاوكاو وعلى حساب لي متوفر عندك 2خميرة الحلويات ورشة ملح ونخلطهم مليح

ومن بعد نجيب الخليط لي درتو في الأول ونفرغو عليهم ونخلط بلعقل غير باش تنساجم المكونات فقط وكي نخلط نجيب الکأس وربع الأخر من السميد وكي نخلطو نخليه يرتاح شويا قيس ما يسخن الفرن منطيبوهش مباشرة خليه 15دقيقة بالضبط ونديروه في مول 35/30سم يكون مدهون بالزبدة ولا زيت وندخلها للفرن 180درجة مدة 30 دقيقة وكي تتحمر على الجوانب نطفيلها ونشعللها من الفوق ونخليها تتحمر ومبعد نخرجها ونشربها بالشربات

بالنسبة للشربات تتحضر هي الأولى في كسرونة ندير 2 كؤوس سكر و 4 كؤوس ماء برج ليمون ونصف كأس عسل ونحطها فوق نار وكي تبدا تغلي نقصلها للنار ونخليها مدة 20دقيقة وكي طيب ونطفيلها نضيف عليها لعسل ومغرف كبيرة غلوكوز لا كان متوفر عندك