உருளைக்கிழங்கை தோல் சீவி விட்டு கழுவி விட்டு மிகவும் பொடியாக அரிந்து கொள்ளவும் படத்தில் காட்டியுள்ளபடி. அரை கப் எண்ணெய் எடுத்துக் கொள்ளவும். ஒரு ஸ்பூன் இஞ்சி பூண்டு விழுது தயார் செய்து கொள்ளவும். ஒரு பெரிய வெங்காயத்தை மிகவும் பொடியாக அரிந்து கொள்ளவும்.ஒரு நான் ஸ்டிக் கடாயில் எண்ணெயை முழுவதையும் ஊற்றி அதில் கடுகு உளுத்தம்பருப்பு சீரகம் அல்லது சோம்பு கறிவேப்பிலை சேர்த்து தாளிக்கவும்.

பொடியாக நறுக்கிய வெங்காயத்தை சேர்த்து எண்ணெயில் நன்கு வதக்கவும். அதனுடன் இஞ்சி பூண்டு விழுதையும் சேர்த்து நன்கு வதக்கவும். 2 அல்லது 3 நிமிடம் வதங்கிய பிறகு உருளைக் கிழங்கை சேர்த்து வதக்கவும். ஓரளவு வதங்கிய உடன் அதில் தனி மிளகாய்த்தூள் உப்பு சேர்த்து வதக்கவும்.

நன்கு வதங்கும் வரை அடுப்பை மிதமான தீயில் வைக்கவும். உருளைக்கிழங்கை எடுத்து நசுக்கி பார்க்கவும். வெந்து இருந்தால் மசியும். உங்களுக்கு தேவையான அளவு ஃப்ரை செய்து கொள்ளவும்.

சுவையான மிகவும் சுலபமான லஞ்ச் பாக்ஸில் ஏற்ற உருளைக்கிழங்கு ஃப்ரை தயார்.