بسم الله اولا نحضر المكونات في ريسيبيو نحط نص كاس حليب دافىء وملعقة خميرة ملح سكر زيت وبيضة نخلطهم مليح بالفوي ونزيد الفرينة حتى نتحصل على عجين طري نغطيه ونخليه يخمر

بعدها نحضر الصلصة ولي هيا حبة طماطم 🍅 مقطعة مربعات وحبة بصل مقطعة وثوم ورقة الرند نزيدلهم التوابل والملح والزيت نخليهم يتقلاو مليح ونزيدلهم فنجان صغير ماء نغلق عليهم ونخليها طيب بعدها نرحيها فالروبو

بعدها تختمر العجينة نحلها بالفرينة على شكل كاري وندخلها في الفرن يكون سخون نطيبها نص طياب ونخرجها نحطلها صلصة الطماطم ونرجعها طيب بعدما طيب نزينها بالزيتون الاسود وطن زيت والدبشة وشهية طيبة