تحلية بالفراولة 🍓🍧
تحلية للسهرة بنينة ولا اروع مع شرح مفصل تفصيل تام 😋
إفتح في تطبيق كوكبادالخطوات
- 1
نجيبو البلاطو لي نديرو فيه و نجيبو إناء نديرو فيه حليب دافي ولا سخون و نحطو حبات البيسكويت حبة بحبة داخل الحليب باه يتشربوا مليح و نحطوهم في البلاطو و منخلو حتى فراغ هذي من الأفضل انكم تظيرو زوج طبقات بيسكويت فوق بعض و نزيدو نشمخوهم بالحليب مليح مليح بالپانسو تاعنا
- 2
من بعد نجيبو كسرونة تاعنا و نحطو لتر حليب(شكارة حليب) دافي او بارد +واحد فلان فراولة تاع 50 غ كيما اي مثل في الصورة +3 مغارف كبار سكر+3 مغارف كبار نشاء و نحطوهم على نار عادية و نبقاو نحركو فيهم مليح حتى يعقد الخليط مليح كيما اي مثل في الفيديو من بعد نطفولو ونخليوه يبرد
- 3
و من جهة اخرة نجيبو 5 حبات فريز نقطعوهم قطع صغيرة و نحطو معاهم الايورت تاع فريز و نميكسيوهم مليح حتى يولي لفراز حبيبات صغيرة جداً و نظيفوه للخليط تاعنا و نخلطو مليح حتى يولي خليط متجانس...... بعدما يبرد نقسموه على 2 و نحطو شوي على طبقة البيسكويت تاعنا و نعاودو نحطو فوقو الطبقة الثانية من البسكويت و نحطو فوقها الباقي من الخليط باه يجونا طبقات باينين
- 4
بعد ما نحطو اخر طبقة من الخليط تقدرو تحطو قطع فريز صغيرة لكم الخيار من بعد نوجدو كريم شانتيي (كاس حليب +بودر شانتيي... يعني نفس الكمية فيهم في زوج اذا درتي نص كاس حليب تديري نص كاش شانتيي) نضربوهامليح حتان (حتى) تطلع يولي قوامها مليح و ثقيل شويا و
- 5
من بعد نقسموها نخلو شوي منها للزينة و الباقي نحطوها و نسڨموها مليح لازم تكون مستوية و نحطوها تبرد حتان (حتى) تحكم روحها
- 6
كيما اي مثل قلنها نخلوها تبرد و نروحو نجيبو كسرونة نوجدو سيرو الفراولة تاعنا لي نحطوه من الفوق و تكون اخر طبقة (كاس ماء +وحدة فلان كيما اي مثل في الصورة الفوق) ونبقاونخلطو حتان (حتى) يتجانسو مليح و يعقاد شوي و نخلوه يبرد ثاني باه ميذوبش الشانتيه تاعنا و نفرغوه من الفوق و نرجعو البلاطو تاعنا للفريجيدار و من بعد التزيين اختياري انا اسمعلت الباقي من الشانتيه و حبات فريز
السيرو في الفيديو - 7
النتيجة ❤
بالصحة و لهنى نتمنى تعجبكم
و نتمنى لي تجربها تشاركها في كوكسناب❤❤
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات