نقوم بتحضير كريمة في كاسرونة نحط حليب و نشاء و سكر و فانيليا و نخلط جيدا مكونات ثم نحطهم فوق نار متوسطة مع تحريك كي تثقال كريمة ننزعها نضيفلها مارغرين و نحرك جيدا سكب كريمة في إناء و نغطي سطحها بورق شفاف مع ملامست وجه كريمة و نخليها تبرد جيدا في ثلاجة

بعد لي تبرد كريمة نخرجها نضيفلها بودرة شانتي و نضربها بالضراب كهربائي جيدا ثم نحطها في كيس حلواني و نحط ايضا فوراج لي بذوق توت احمر و توت بري اسود في اكياس حلوانية ايضا لكي يسهل تشكيل طبقات (يمكن تعويض فوراج ب سوبكرام اي نكهة تفضلوها)

نحضر قوالب لي نقدم فيهم في قاعدة نحط كمية من بسكويت مرحي حوالي ملعقة صغيرة و نصف من بسكويت ثم نحط كمية من كريمة ثم نحط كمية من فوراج توت احمر

ثم نحط نحط كمية من كريمة ثم نحط طبقة من فوراج توت بري اسود ثم في اخير نحط كريمة و نسوي سطح جيدا و نرش على نصف سطح كريمة بسكوي مرخي و نصف متبقي نحط حبة فراولة

و ندخلوهم ثلاجة يبردوا مبعد نقدموهم