لا تتقيدون بنوعية الكيك والكاكاو استخدموا اللي متوفر عندكم واللي تحبونه

نجهز اول شي الكريمة البيضة.. نخفق كريمة الطبخ مع جبن كيري والدريم ويب لين نحصل على قوام كريمة كثيفة

نحط شوي من خليط الكريمة في صحن التقديم ونقطع فوقها السويس رول حلقات ونصفهم بعدها نحط الكريمة مرة ثانية.. ونكرر العملية مرتين ونغطي الوجه كامل بالكريمة وندخلها بالثلاجة نصف ساعة

نجهز طبقة الكاكاو.. على نار هادئة نحط القيمر وبودرة الكاكاو (مافي مقدار معين لبودرة الكاكاو حسب الرغبة واللون اللي تحبونه) انا ضفت تقريباً ٥ ملاعق طعام … نحرك المزيج لين ينخلط الكاكاو عدل مع القيمر ونتركه يبرد

بعد ما يبرد نصب الخليط على الكريمة البيضة ونغطي الوجه ونزينه بقطع الكاكاو اي نوع تحبونه (انا حطيت كندر وفليك) وبس ندخله الثلاجة لمدة ساعة