إفتح في تطبيق كوكبادالخطوات
- 1
نعمل الشربات الاول عشان يبرد نحط السكر علي الماية علي النار ونسيبه من ٣ ل ٥ دقايق لحد ما يتقل ونضيف الليمون والفانيليا ونقفل عليه ونسيبه يبرد ممكن(شربات ده سكره خفيف ممكن تزودو السكر لو بتحبو الحاجة مسكرة اكتر)
- 2
نعمل المهلبية أو القشطة : علي البارد هندوب النشا والسكر في اللبن ونحط الجبنة ونحطه علي النار ونقلب لحد ما يغلي واللبن يتقل ولحد ما يوصل للقوام المطلوب ولو احتاج نشا نضيف تاني ونضيف القشطة ونقلب ونقفل ونغطي وشها بكيس تلاجة ونسيبها تبرد
- 3
نجهز الكنافة : نفتت الكنافة خالص (نكون مفرزنها هتتفتت وتتكسر أسهل بالإيد أو الكبة) ونضيف السمنة عليها والسكر البودرة ونفركها كويس جدا لحد ما السمنة تتوزع عليها كلها
- 4
نحضر الصينية وندهنها سمنة ونحط ٢/٣ تلتين كمية الكنافة ونفردها كويس ونعملها حروف ونكبسها حلو وبعدين نضيف القشطة اللي عملناها ونوزعها بالتساوي ومنروحش علي أطراف الصينية علي اد ما نقدر وبعد كده نرش التلت الباقي علي الوش ونحاول نغطي الصينية كلها ودخلها علي فرن سخن علي ١٨٠ ونتابعها
- 5
اول ما الاقي اطرافها بعدت عن الصينية واحمرت لو الوش مكنش احمر وخد لون حلو نفتح الشواية عليها بس نقف جنبها عشان بتتحرق بسرعة
- 6
نخرجها ونسقيها الشربات وهي سخنة ونسيبها تهدي خالص ونقلبها ومنقلبهاش وهي سخنة وبالهنا ❤️
كلمات ذات صلة
وصفات مشابهة
وصفات ننصحك بمشاهدتها
التعليقات