باسم الله في إناء نضع المكونات مارغارين و البيض و الزيت و السكر ناعم و الملح ونخلط جيداً (بالباتور ولا بأي حاجة تساعدك المهم يتجانس الخليط) ثم نضع الفرينة الكأس الاول بعد تصفيته مع ربع ملعقة خميرة كيميائية(متكثروش من الخميرة باه لعجينة متلطعش في المول و يفسد شكلها) و نظيف الباقي من الفرينة حتى تتشكل العجينة (نلمو لعجينة مليح مش نعجنوها نلموها برك كي تعجنيها تخرج المارغارين لي درناها كامل) ونغطيها جيداً(نغطوها بحاجة تكون تلامسها يعني لهوا ميقيسهاش كيشغل تتغلف لعجينة) ثم نضعها في الثلاجة ترتاح

بعد ما ترتاح العجينة نحطوها فوق ليمول تاعنا بعد ما نكون دهناهم بالمارغارين و الفرينة لتفادي الالتساق تجيبلنا كمية 20 حبة كبيرة و ندخلوهم للمجمد لمدة ساعتين هذي العملية هي سر نجاح الوصفة باه ميهبطوش لحواشي من بعد ما يجمدو ساعتين نضعهم في الفرن مدة 10 دقائق بعد ما نكونو ثقبناهم

لتحضير الكريمة :ربع لتر حليب و مغرفة ونص سكر و نحطوهم يسخنو و في إناء نحطوحبة بيض و مغرفة ونص سكر و زوج مغارف كبار نشاء و نزيدو قرصة ملح و فانيليا و نخلطو مليح حتى تولي كريمة بعد ما يسخن لحليب نحطو لحلب تدريجيا مع الخلط حتى نكملو من بعد نقلب الخليط في كسرونة و نخلطو حتى تعقد الكريمة نطفو عليها و نزيدو عليها مغرفة كبيرة زبدة و شوي فانيليا باه متبقاش ريحة البيض ونغطوها بالسيلوفان مليح

نديىو ربع كاس حليب بارد نخلوطهم بالباتور و من جهة خلاف نخلطو الكرينة هذيك بالباتور و نزيدو عليها كريم شانتيه و نخلطوهم مع بض حتى تتكون كريمة لي نسحقوها

من بعد نحطو الكريمة في كيس حلواني و نحطوها على les fonds دوتارت تاعنا و نزينوهم بالفواكه