نحكم الصدر نديزوسي العظم وعلى داخل ندير شرائح بالسكين منفتحش الصدر كما ونتبل بالملح وحرور وموتاغد وعصرة ليمون وثوم مرابي ونطليه كامل مليح على داخل وعلى برى

نحكم الفرماج ندير شرائح وندخله على داخل كما طبقات ونغلق مليح بكردون والخيط وندير مغيناد في طاس زيت و ماء ليمون وشوي مكعب دجاج وكزبرة مطحون وموتاغد ونخلي اللحم في هاد التتبيلة من الصباح ولعشية ديريه في طاجين تقيل وغطي

ببايي فين والمنيوم وكبي لصوص وخليه يطيب مدة ساعة ونصف نحي الكردون والخيط وحمريه في مقلاة كامل الجوانب وهديك لصوص زيدي معاه فرماج (جبنة) وميكسيها وسقي اللحم كتقطعيه دوائر مع فريت (بطاطا مقلية) وشهية طيبة